Aniversário do FotoBlog

Posted by xurxo (Galiza, Spain) on 27 January 2008 in Abstract & Conceptual.

Era un 27 de Xaneiro de 2007, recién chegado de Bilbao e animado polo entusiasmo fotográfico da Lorena cando comezaba a subir fotografias do meu decorrer diário.
Non vou facer agora un resume da miña experiencia vital destes derradeiros 365 dias, entre outras cousas porque moitas delas están nas fotografias e nos textos cada vez máis escasos que as acompañan.
Pero, si que é certo que voltando a vista atras, saltando de aminus3 a blipfoto, para ser un só ano si que pasaron ben cousas...
Algunha delas entusiasmante, e ás veces absorvente.
Voltando atrás, a fai 12 meses, 11 meses... o que si contemplo é como pouco a pouco foron fuxindo as letras...

Era difícil atopar unha fotografía para hoxe. Pór unha soa instantánea que resuma o ano, non sería apropiado nin certeiro.

Despois de dar-lle voltas e buscar no arquivo atopei esta fotografia do 27 de xaneiro de 2007. Nesa mesma data, a miña irmá, chea de entusiasmo iniciaba un camiño ilusionante.

Foi como ver-a-luz.

VFXY Photos | Cool Photoblogs | Listed on Photoblogs.org